Kalibo Aklan —-Gin-extend pa hasta sa Mayo 15 ro ginapatuman nga lockdown sa South of France.
Suno kay Bombo International Correspondent Faye Arbael Tosco Bergh, tumandok it Tangalan Aklan apang presenteng nagatrabaho sa nasambitan nga nasyon nga sa makarun hay nagapabilin nga sarado ro tanan nga border it France sa pasueod ag pagguwa sa iba pang kaeapit nga nasyon.
Ginpahayag dugang nga maskin sa mga magkaiping nga Villages hay masyadong strikto ro otoridad kung sa siin ro mga may importanteng pamanaw eamang ro ginapasugtan nga magguwa it andang panimaeay.
Magabayad man it penalidad ro sin-o man nga mag-eabag kara.
Posible man nga makulong it masobra sa an-um nga buean ro makapilang beses nga madakpan.
Bukon man sigon sanda it obligado nga magsuksok it facemask mag-euwas eamang sa mga frontliners nga doktor ag nurses.
Hugot man nga ginapatuman ro social distancing.
Permi man sigon nga ginapadumdom kanda nga maging malimpyuhon sa andang eawas agud nga indi mahawaan it corovirus disease (COVID-19 .
