Lola sa Japan nga mahilig magsaka sa bukid, ginakabig makaron nga ‘pinakamagueang sa bilog nga kalibutan’ suno sa Guinness Records!

Sangka lola sa Ashiya, Hyogo Prefecture sa Japan ro nakalista makaron it  daywang world record bangud sa anang edad!

Ginkumpirma it  Guinness World Records nga si Tomiko Itooka ro record holder it mga titulong “oldest living woman” ag “oldest living person” bangud sa anang edad nga 116.

Natawo imaw ko Mayo 23, 1908 sa Osaka, Japan.

Nakaangkon it  ap-at nga unga ag maaabung apo ag apo sa tuhod.

Suno sa anang mga apo, naging mabaskog ro andang lola bangud nga hilig nana nga magsaka kato sa Mount Nijo sa Nara Prefecture.

Daywang beses man nana nga nasaka ro Mount Ontake.