KALIBO,Aklan— Ginklaru it Malinao-Lezo Transport Cooperative ukon MLTC nga owa pa gihapon nakahuman it Local Public Transport Route Plan ukon LPTRP ro probinsiya it Aklan.
Apang ginpahayag ni MLTC chairman Edgar Igcasenza nga magapatigayon it Provincial Consultation sa Transport sa masunod nga mga inadlaw.
Ro consultation hay tuyo nga masayran ro mga problema sa probinsiya angot sa nasambit ng aspeto bangud nga sa bilog nga Region 6 hay ro Aklan eun lang sigon ro uwa pa it makaraya nga sistema.
Dugang pa ni Igcasenza nga tanan eun nga transport group hay nakabilog it kooperatiba bangud nga hasta sa Disyembre eon lang kara ro deadline.
Kadungan kara, nagpaandam imaw sa mga Individual Operators nga kun indi sanda magapasakop sa mga kooperatiba hay mabahoe ro posibilidad nga indi eon sanda pagapasugtan nga magparehistro sa 2024 kapareho man sa natabo sa pilang operators sa Iloilo.
