Daywang magkasunod nga mabaskog nga linog ro umuyog sa Venezuela ko Hunyo 24, 2026.
Suno sa United States Geological Survey, ro unang linog hay may magnitude nga 7.1 ag kasunod ro mas mabaskog nga 7.5 makataliwan eamang ro sang minuto.
Ro episentro hay maeapit sa Morón sa estado it Carabobo ag nabatyagan hasta sa kabisera nga Caracas.
Maabu nga mga building ro nahugos kaibahan ro pilang mga mataas nga edipisyo sa Caracas ag libo-libong residente ro nagdaeaeagan paguwa it andang mga baeay ag opisina.
Nagpaguwa ro USGS nga posibleng eampas sa 10,000 ro numero it namatay samtang libo-libo nga iba pa ro naninahan ag padayun ro operasyon it mga rescuers agud nga maeowas ro mga na-trap sa nahugos nga istraktura.
Naapektuhan ro Maiquetía International Airport kun sa siin temporaryong ginsuspinde ro mga flight ag nakaangkon it maeapnagon nga pagkaduea it kuryente ag komunikasyon sa nagkaeain-eain nga rehiyon.
Nagpaguwa it paandam ro US Tsunami Warning System para sa pilang parte it Caribbean apang ko ulihi hay ginbawi.
Nagpanawagan si Interior Minister Diosdado Cabello sa publiko nga maglikaw sa mga nasamad nga edipisyo ag magdahan sa posibleng aftershocks. Padayun ro search and rescue operations sa Caracas ag mga kaiping nga probinsiya agud nga maeowas ro mga biktima.
Ro insidente hay kaibahan sa pinakamabaskog nga linog nga tumama sa Venezuela sa sueod it ng masobra sang siglo.
Bangud nga holiday kat tumama ro linog, maabung tawo ro sa sueod it andang mga baeay rason nga mas mataas ro numero it mga namatay.
