-- ADVERTISEMENT --
KALIBO, Aklan—Naduea-an it supply it kuryente ro bilog nga isla it Boracay matapos magkaeatumba ro pitong poste it kuryente sa Barangay Balabag, Boracay ko Miyerkules nga adlaw.
Nabagsakan it natumba nga mabahoe nga puno it kahoy ro sangka poste it Aklan Electric Cooperative (Akelco), apang nadaeahig kara ro iba pang kaiping nga steel pole.
Ginabasoe ro pagkatumba it puno sa mabaskog nga hangin ag uean.
Maskin nga nabudlayan ro Akelco kaibahan ro mga tawuhan it Task Force Kapatid nga presenteng nagapatigayon it Boracay Akelco lines rehabilitation nga ayuson ro mga nagbagsakang poste, apang naibalik man eagi ro supply it kuryente.
Masyadong mabahoe ro puno rason nga ginputoe anay ro mga sanga kara.
-- ADVERTISEMENT --
