POLICE Report — Patay ro mag-asawang manugturo ag andang unga matapos magtuhaw ro sunog sa andang baeay, aga-aga it Sabado sa siyudad it Iloilo.
Nakilaea ro mga namatay nga sanday Julius Reyes, ag misis nga si Louelyn Reyes, parehong 48 anyos ag pareho man nga nagaturo sa Iloilo City National High School.
Kaibahan sa namatay ro andang unga nga si Amber Marie Reyes, 7, ag tanan hay residente it Zone 6, Brgy. Infante, Molo, Iloilo City.
Sa paunang imbestigasyon it Iloilo City Bureau of Fire Protection (BFP), nag-umpisa ro sunog sa ikaywang panaegan it baeay it pamilya Reyes ko aga-aga it Sabado, Marso 8, 2025.
Suno sa mga rumespondeng bumbero nga nakit-an nanda ro bangkay it mag-asawa ag andang unga sa sueod it andang kwarto kun sa siin ginahap-an it mag-asawa ro andang unga nga matsa ginaprotektahan nanda.
Bangud nga himo eamang sa light materials ro baeay rason nga madasig nga nagkalhit ro kaeayo nga eubusan nga nagpa-ugdaw sa baeay.
Nagapadayun man ro ginahimo nga imbestigasyon it mga awtoridad agud nga masayuran ro ginhalinan it sunog ag haega it mga propiyedad nga natupok.
