NEW WASHINGTON, Aklan—Arestado ag presenteng nakakulong ro tatlong kaeaeakin-an matapos nga mapag-tripan nga bun-on ro mag-igkampod nga naga-inuman sa guwa it sangka baeay kadungan sa selebrasyon it Paskwa sa Sitio Pueo-pueo, Brgy. Jugas, New Washington.
Suno kay Punong Barangay Eril Teodosio nga gin-aresto it mga awtoridad ro nagserbing driver it motorsiklo nga si Sonny Boy Pronton sa andang baeay sa pabahay samtang sanday alyas JR ag alyas loloy hay nagsurender sa Banga Municipal Police Station.
Sa inisyal nga imbestigasyon, samtang naga-inuman ro mag-igkampod nga sanday Jancint Tanilon, 30 anyos ag KR Nolido, sa legal nga edad, puro mga residente it nasambit nga lugar hay gulpi eamang nga nagpundo ro motorsiklo ag nagpangutana kon siin ro daean paagto sa Brgy. Jugas .
Kat makaangkon it tsansa hay gina-aligar nga gin-eabu it sambilog sa mga suspek nga si alyas loloy samtang nakasakay sa motorsiklo ro mga biktima nga nadaplisan sa andang ueo.
Matapos ro insidente hay insigidang nagpaeagiw ro mga raya .
Apang may nakakilaea kanda rason nga ginkasa ro manhunt operation .
Ginsaysay pa ni kapitan teodosio nga nakaangkon it kahigayunan nga ginhusay nana sa barangay sanday sonny boy ag si jancint bangud sa owa pagka-ilintindihan apang ko ulihi hay nagkaaayos man .
Bangud sa naangkon nga slight injury gin-refer sa outpatient department ro mga biktima.
Bangud sa natabu, haum nga magpasaka it kaso ro mga biktima kontra sa mga suspek.
Sa makaron hay nagapadayun ro imbestigasyon it new Washington municipal police station sa insidente.
