KALIBO, Aklan — Nagapadayun ro imbestigasyon it Malay Police Station sa pagbaril sa mag-ina it gina-alegar nga mga guwardiya bangud sa away sa eugta sa Brgy. Balabag sa isla it Boracay, Domingo it gabi-i.
Nakilaea ro mga biktima nga sanday Liberty Asuncion, 50, ag Edwin, 23, parehong residente it nasambit nga lugar.
Base sa imbestigasyon, samtang naga-ihapon sa kusina ro mag-ina kat gulping may nagsueod nga ap-at nga armadong kaeaeakin-an ag ginbaril sanda.
Nakilaea ro nagbaril kanda gamit ro ginapatihan nga 12-gauge shotgun nga si Generoso Agduganan, 54, tumandok it Zamboanga del Sur, kaibahan ro mga kasabwat nga sanday Sonny Boy Roquero, 45, it Valderama, Antique; Romeo Villarias, 38, it Tapuz Compound sa isla ag certain Marlon alyas Tatang, 50, nga nagapabilin nga at-large sa makaron.
Insigidang gindaea ro mag-ina sa pribadong ospital sa isla, apang si Liberty hay ginsaylo sa sangka private hospital sa banwa it Kalibo.
Narekober it pulisya sa lugar ro mga basiwo it shotgun.
