POLICE Report — Patay ro sangka mangingisda kat tamaan it kilat ro ginasakyan kara nga pumpboat sa dagat sa Bogo City, northern Cebu.
Nag-angkon it grabeng sunog sa eawas si Ronilo Galecia Balunan, residente it Barangay Nailon, Bogo.
Samtang, presente pa nga ginabueong bangud sa mga naangkon nga lastro sa eawas sa Vicente Sotto Memorial Medical Center ro kaibahan it namatay nga sanday Eugene Olidiana Bolambao ag Jeremias Jalang Balunan nga nakasakay man sa pumpboat.
Suno sa report, 10 nga mangingisda ro sakay it baroto nga paagto kunta sa Albuera, Leyte.
Gulpi eon lang raya nga tinamaan it kilat bandang alas-2 it hapon samtang naga-eayag.
Grabeng tinamaan it kilat ro tatlong mangingisda ag insigidang nalipong.
Nagdesisyon man si Abel Anoba Antigua, ro boat skipper, nga bumalik sa Bogo matapos ro hitabu.
Gindaea sa ospital it City Disaster Risk Reduction and Management Office ro mga biktima apang gindeklarang patay si Ronilo.
