Nagapadayon ro manhunt operations para sa manghod ni dismissed Bamban Mayor Alice Guo nga si Wesley Guo suno sa Bureau of Immigration. Suno kay BI Fugitive Search Unit chief Rendel Ryan Sy, ginatistingan pa nanda nga kutan-on ro lokasyon ni Wesley Guo.
Base man sigon sa andang impormasyon, nakahalin eon it Batam, Indonesia si Wesley ag napabalita nga sa special administrative region it China nga Hong Kong.
Kung matandaan, nauna eon nga gingmando it Senado ro pag-aresto kay Wesley bangod sa uwa raya nag atendar sa mga hearing kaangot sa mga ilegal nga aktibidad it Philippine Offshore Gaming Operators (POGOs) sa pihak pa it mga inisyung notice.
Ginpaabot man it abogado ni Wesley nga si Atty. Stephen David nga gusto eon man nga magsuko it anang kliyente kat makaisturya na raya sa phone ko Miyerkules, Setyembre 5, adlaw nga naaresto man ro anang manghod nga si Alice Guo sa Indonesia.
