Ginpahayag it Commission on Elections (COMELEC) nga magapabilin nga manual ro pagahimuon nga Barangay and Sangguniang Kabataan Elections (BSKE) 2026 bangud nga owa it bag-ong laye nga ginpabakod agud nga bag-uhon ro election process ukon timetable.
Suno kay COMELEC Spokesman Atty. John Rex Laudiangco, sa makaron hay owa pa sanda it nabaton nga anumang laye para ipaiway ro eleksyon ukon pagbag-o it mga presenteng pamaagi.
Dugang pa ni Laudiangco, dere-deretso ro preparasyon it COMELEC para sa synchronized BSKE.
Pahayag dugang nga ro election period hay maga-umpisa sa October 3 hasta sa November 9, 2029, samtang ro filing of candidacy (COC) hay naka-schedule sa September 28 hasta October 5.
Ro campaign period man hay umpisa October 22 hasta November 1 ag November 2, 2026 ro Election Day.
Nagpadumdum ro COMELEC sa mga nagaplano nga mag kandidato nga ro tempranong pagpangampanya hay ginabawae sa BSKE.
Ginpaandaman ni Laudiangco ro sin-o man nga mangampanya bago ro gintau nga official campaign period sa BSKE hay magapangatubang sa election offense charges.
