Ginpamilit ni Senador Rodante Marcoleta nga may ikasarang sa gihapon imaw nga magboto bilang senator-judge sa impeachment trial ni Vice President Sara Duterte, sa pihak it anang pagkadetine.
Sa anang sueat kanday Senate President Sherwin Gatchalian ag Presiding Officer Francis “Chiz” Escudero ko Hulyo 20, ginpahayag ni Marcoleta nga owa sigon it sabeag sa anang legal nga kapasidad nga bumoto bangud nga owa imaw ginpaidaeum sa preventive suspension.
Suno kay Marcoleta, pwedeng magpasakop sa impeachment trial ro mga senador nga nakakulong, nagapanago, suspendido ukon sa ibang nasyon, hasta nga bukon sanda it permanenteng incapacitated. Ginpamilit man nana nga pwedeng maghimo ro Senado it pamaagi agud nga mapatigayon sa gihapon it mga senador ro andang obligasyon bilang senator-judge.
Samtang, nagpahayag si Marcoleta it suporta sa naunang ruling ni Escudero nga 16 nga boto ro kinahangean para ma-convict si Duterte, base sa 2/3 votes it 21 nga senator-judges nga presenteng nagapasakop sa pagbista. Sa pihak kara, ginkontra nana ro pagbutang kay Escudero bilang presiding officer it impeachment court.
