KALIBO, Aklan–Batyag eon ro mas pang pag-abu it mga turista nga nagabakasyon sa isla it Boracay makaron nga summer season.
Nakadugang pa sa pag-engganyo it mga local ag foreign tourist ro ginpagguwa nga panibag-ong advisory it Department of Tourism kung siin indi eon kinahang-ean pa ro vaccination card ag pagsuksok it face mask agud nga makasueod sa mga toursim destination sa nasyon.
Suno kay Jeane Pontero, Chief for Operations it Caticlan Jetty Port nga sangkiri eon lang andang ginapangayo nga dokumento sa turista antes makasueod sa Boracay.
Kinahang-ean eamang sigon it mga raya nga magpakita it andang booking confirmation halin sa mga accredited hotel, ID ag mag-fill up it registration form.
Ro booking confirmation hay kinahang-ean nga ipakita it mga turistang maga-overnight sa isla samtang ro mga may one day transaksyon hay kinahang-ean eamang magpakita it ID.
