Sumaka eon sa masobra 3,000 ro numero it mga namatay sa Lebanon bangud sa padayon nga pag-atake it Israel sa tunga it kinagamo kontra Hezbollah, suno sa report it Ministry of Health it Lebanon.
Base sa datos, umabot eon sa 3,020 ro numero it mga namatay halin kat maglala ro kinagamo ku Marso, sa pihak it naga-iral nga mahina ag pa-uman-uman nga ginaeabag nga ceasefire.
Masobra 400 sa mga namatay hay nalista eon matapos mag-umpisa ro ceasefire ku Abril 17.
Nag-umpisa ro mas maeawig nga kontrahan matapos magbayluhan it pag-atake ro Israel ag Hezbollah, sangka grupong gina-suportahan it Iran, nga nagpalala sa tensyon sa rehiyon.
Sa pihak it kasugtanan sa pagpaeawig it ceasefire, nagapadayon gihapon ro mga airstrike sa nagkaeain-eain nga parte it southern Lebanon ag Bekaa Valley.
