Umabot eon sa Php 149,284,000 ro haega it educational assistance nga napanupod it Department of Social Welfare and Development ukon DSWD sa pangaywang adlaw it andang pagpanupod kara sa mga estudyante.
Ginpahayag ni DSWD Spokesperson, Asec. Romel Lopez kasunod it andang report nga sa 58,652 eon it andang target nga 90,000 nga mga estudyante ro mataw-an it bulig-pinansyal para sa andang mga pagtuon.
Dugang pa kara ni Lopez nga sa idaeom it gintingub nga bulig it DSWD, DILG , ag PNP hay naging matawhay ag maayos man sigon ro andang naging pagpanupod it nasambit nga ayuda sa 200 payout centers nga andang gintaena sa bilog nga Pilipinas.
Ginpadayon man nanda ro andang operasyon hasta sa maubos ro mga benepisyaryo it nasambit nga programa apisar it kahabaon nga pila, raya hay kasunod sa idaeom it mandu ni Secretary Erwin Tulfo.
