Masobra P21.7B nga balor it iligal nga droga, nakumpiska sa idaeom it Marcos administration – PDEA

Masobra eon sa P21.7 billion nga haeaga it shabu ro nakumpiska samtang kabilugan nga 44,866 nga personalidad it ilegal nga droga ro naaresto sa idaeom it administrasyon ni Pangueong Ferdinand “Bongbong” Marcos, Jr., suno sa Philippine Drug Enforcement Agency (PDEA).

Ginapahayag nga ro mga naaresto hay ginakaeakipan it kapin sa 3,169 katawo nga kaibahan sa high-value target list it nagkaeain-eain nga anti-narcotics agencies.

Ro mga numero hay nagasakop sa July 1, 2022 hasta April 30 nga operasyon makaron nga dag-on.

Ginbulgar man it ahensya nga 8,332 eamang sa masobra 42,000 barangay sa nasyon ro ginakonsiderang mga lugar nga apektado it ilegal nga droga.