KALIBO, Aklan — Nakakolekta it kapin sa 100 kilo it basura ro gintingub nga pwersa it Philippine Coast Guard ag Business Administration of Scuba Shop Divers sa andang ginpatigayon nga scubasurero ukon paghakot it basura sa idaeum it dagat.
Ro underwater clean-up operations hay ginpatigayon sa haeos 400 metrong eapad it baybayong sakop it Tambisaan sa isla it Boracay.
Tuyo it nasambit nga tikang nga mabawasan ro mga solidong basura sa idaeum it dagat, mapabaskog ro kasayuran sa palibot at mapabilin ro kalimpyo it tubi sa pamosong isla.
Ro scubasurero hay ginaeakipan it 66 nga tawuhan it PCG, coast guard auxiliary ag mga divers.
Kaabuan sa mga nabo-oe nga basura sa lugar hay mga saesaeon, debotelyang plastic, kahoy , mga eambong, eubid nga nylon, mga lata ag iba pa.
