Ginabana-bana it National Food Authority (NFA) ro masubra sa tunga sa bilyong kita halin sa mga nababaligya kara nga bugas makaron nga 2024.
Raya hay kat makataliwang aprubahan it NFA council ro price hike nga P38 kada kilo it bigas nga nababaligya sa Department of Social Welfare and Development (DSWD) ag iba pang ahensya it gobyerno.
Ginasugit it NFA, nga ginsugtan it DSWD nga miyembro man it council ro nasambit nga balor it produkto. Suno kay Agriculture Sec. Francisco Tiu Laurel Jr. nga makabulig raya para mapahagan hagan ro pagkalugi it NFA ag mag angkon it kadugangan nga pondo agod makabakae pa it mas maabo nga paeay halin sa mga mangunguma.
Sinigurado man ni NFA Administrator Larry Lacson nga ro pagtaas it presyo sa DSWD, pati eon man sa iba pang mga ahensya hay indi makaapekto sa presyo it bugas sa merkado.
Ro anumang polisiya sigon hay nag agi sa insakto nga konsultasyon ag pag-apruba it mga insakto nga taeatapan.
