KALIBO, Aklan–Nagpagguwa it sangka memorandum si Kalibo Mayor Juris Bautista Sucro partikular ro pagbawae it pagparking it mga behikulo sa tunga it Magsaysay Park umpisa alas-6:00 it gabi-i hasta alas-6:00 it agahon.
Suno kay Kagawad Mark Sy it Brgy. Poblacion, Kalibo nga gusto it alkalde nga ubrahon nga venue it sports it mga Kalibonhon ro Magsaysay Park.
Sa kamatuoran suno kana hay nag-umpisa eon ro implementasyon it nasambit nga memorandum ko nagtaliwan nga adlaw.
Kaibahan sigon sa plano ni Mayor Juris ro pagbutang it mga LED lights ag pag-ayos it mga board it basketball ring para maging manami ro paghampang it mga pumueoyo nga ginaeauman nga maging operational eon sa masunod nga dominggo.
Pila sa mga sports nga pwedeng ipatigayun sa Magsaysay Park hay ro basketball ag volleyball.
Raya sigon hay bukas para sa tanan umpisa alas-6:00 it gabi-i hasta alas-12:00 it tungang gabi-i ag alas-4:00 it aga-aga hasta alas-6:00 it agahon.
Samtang, may gintaeana man nga area nga pagaparkingan para sa mga government vehicle.
