Padayon nga nagataas sa makaron ro kaso it measles ukon tigdas bukon eamang it sa sueod it nasyon kundi pati man sa ibang lugar.
Suno kay Dr. Philip Ian Prieto Padilla, professor of microbiology ag asst. director for core facilities, nga ro tigdas ngara hay sobrang makahaeawa. Sa sueod it 4 years, 400 nga kaso it fatality ro nareokord iya sa nasyon bangud sa sakit nga tigdas.
Kapareho it Covid 19 virus, nabubuoe ukon nakakahawa raya sa paagi it paghatching, ubo, ag pag istorya it malapitan. Ro mga sintomas man kara hay eagnat, runny nose, ag may mga pantal-pantal ukon rashes sa kaeawasan. Bukon eamang sigon raya it simpleng rashes eang bangud kun indi raya matatapan hay posible raya magdaea it komplikasyon kapareho it Encephalitis, dehydration nga pwedeng mag-uli sa pagka-ospital, ag ro pinakamalala hay ro pag angkon it Pnuemonia, ag raya hay posibleng mauli man sa kamatayon.
Dugang pa ni Dr. Padilla nga masami nga nabibiktima kara hay ro mga inunga bangud bukon pa it fully developed ro andang mga immune system kaya madali sandang maduktan it mga masakit.
Paathag man ni Dr. Padilla nga ro pagpabakuna ro pinaka solusyon para matapna ro raya ngara nag masakit bangud uwa it specific nga bueong para sa mga nadapuan kara.
Ginaengganyo man nana ro tanan eabi eon ro mga ginikanan nga pabakunahan ro mga inunga bangud raya hay sangka seryosong paeag pag-abot sa aton nga ikamayad nga eawas.
Ro bakuna sigon hay libre bangud raya hay kaeakip eon sa listahan it programa it DOH nga ginatawag nga “Expanded Program of Immunization”.
