Kalibo Aklan —- Gintawag nga anti-poor it mga progresibong grupo ro Memorandum Circular 2020-036 it Department of Interior and Local Government (DILG) nga nagabawae sa tricycles sa mga national hi-way.
Suno kay Bayan-Panay Secretary-General Elmer Furro nga owa raya gin-estudyuhan it mayad ag owa ginkonsidera ro socioeconomic status it mga pigado nga Filipino nga pirmeng nagasakay sa tricycle.
Mag-eowas kara, ro tricycle eamang man sigon ro nagapangunang source it livelihood ukon paeangitan-an it libu-libong pamilyang Filipino.
Ro panawagan hay ginhimo sa paglunsar it Aklan Tricycle Operators-Drivers and Consumers Alliance (ATODCA) nga gintambungan it nagkaeain-eain nga TODA’s sa Aklan kaibahan ro PISTON ag Bagong Alyansang Makabayan ukon Bayan-Aklan.
Gindugang pa ni Furro nga samtang owa pa it alternatibong rota para sa mga tricycle hay indi anay raya ipatuman it DILG.
