Ginmanduan it gobyerno ro mga ambassador it Pilipinas nga mag-usoy it alternatibong maboe-an it langis sa tunga it kakueangan sa suplay ag padayon nga pagtaas it presyo tuga it kinagamo sa Middle East.
Suno kay Department of Foreign Affairs (DFA) Secretary Ma. Theresa Lazaro, ginmando ni Pangueong Ferdinand Marcos Jr. nga makipag-angot ro mga diplomat sa piling nasyon agud masolusyunan ro kinahang-eanon it nasyon sa langis.
Ginpahayag man ni Lazaro nga sambilog sa mga opsyong ginatan-aw it gobyerno hay ro pag-import it langis halin sa Russia, kapin eon kat matapos kakason it Estados Unidos ro mga sanction kara samtang padayon nga ginaharangan ro suplay halin sa Middle East bangud sa sitwasyon sa Strait of Hormuz.
Apang, aminado ro DFA chief nga nagapabiling bukon it sigurado ro magiging daeagan it krisis.// ginpunto nana ro epekto it pagsarado it Strait of Hormuz sa global supply.
