Ginsuhestiyon ni Senator Alan Peter Cayetano nga mas makamayad ro direktang pagpanupod sa mga pigado ag sa lokal nga gobyerno it mga cash assistance halin sa gobyerno sa baylo nga mag-agi pa sa nagkaeain-eain nga ahensya.
Ginhalimbawa ni Cayetano nga kung ro gobyerno hay magatao it P10,000 nga ayuda sa 15 million nga pamilya, may matipid nga 50 million pesos nga administrative cost ag operating expenses para sa distribusyon.
Raya ro anang ginpahayag sa pagpamati it senado sa proposisyon nga national budget para sa masunod nga dag-on kung siin nakasueod ro 206.5 billion pesos nga kabilugang haega it nagkaeain-eain nga pang bulig it gobyerno sa mga pigado.
Samtang, ginpaathag man ni Senator Sonny Angara, Chairman it Senate Committee on Finance nga mayad ag very convincing ro logic it suhestiyon ni Cayetano, apang well-established ukon mapag-on eon ro sistema kara it gobyerno.
