Nauli sa pagkadismaya ro masadya kunta nga bakasyon it mga bakasyunista maghalin sa Metro Manila matapos nga tinakawan sa hotel nga temporaryo nandang gindayunan sa isla it Boracay.
Suno sa tagreklamo nga si Leizel Ito, masobra sa 50,000 pesos ro haega it alahas ag cash nga tinakaw kanda samtang nagakatueog ro anang nanay ag tiya sa sueod it kwarto.
Una kara, antes sigon imaw nga nagguwa agud nga maghang-out hay may nabatyagan eon imaw nga kakaiba nga matsa bukon it eowas ro kwarto nga para kanda apang ginbaliwala eamang sigon nana raya hasta nga naaywanan ro daywang ka ginang sa sueod bangud nga gaoy eon sigon ro mga raya.
Bandang ala-una it aga-aga sa kasagsagan it mabaskog nga uean hay gin-impormahan imaw it anang nanay nga tinakawan sanda rason nga insigida imaw nga nagreport sa taeatapan it pulisya ag nadiskubrehan nga sa sliding window sa likod nga porsyon it kwarta nag-agi ro suspek.
Apang, may pagduda sanda nga mismong mga staff ro may kahimuan sa nasambit nga panakawan.
Sa makaron ro insidente hay padayon pang ginaimbestigahan it Boracay PNP
