KALIBO, Aklan—Nakataeanang pagadesisyunan makaron nga adlaw it Biyernes it munisipyo it Kalibo ro dapat nga himuon sa mga ginpangkumpiska nga mga food carts sa nagkaeain-eain nga lugar sa banwa it Kalibo.
Suno kay Engr. Jessie Figarido, head it Municipal Economic Enterprise Development Office ukon (MEEDO)-Kalibo nga ro operasyon it mga otoridad sa pagpanguna it ordinance officer hay bilang pagsunod sa panibag-ong mandu it Department of Interior and Local Government ukon DILG angot sa road clearing operations 2.0.
Kaeabanan suno kana sa mga vendors hay iligal bangud nga owa it nagakaigo nga permit partikular ro business permit.
Gin-isyuhan sigon sanda it citation ticket ag ginkumpiska ro andang mga carts agud nga indi eon makabalik sa dating pwesto.
Gindugang pa ni Engr. Figarido nga magasumite sanda it proposal kay Mayor Emerson Lachica for approval ag maskin sa sangguniang bayan it kalibo kon siin igabutang ro nasambit nga mga ambulant vendors kaibahan ro mga procedures nga dapat nanda nga sundon eabi pa ag pagkaon ro andang ginabaligya.
Ro temporaryong pagbutang sigon sa mga vendors sa sueod it kalibo pastrana park hay bangud sa humanitarian reason matapos nga maapektuhan sa mandu ni pangueong Rodrigo duterte nga clearing operations.
Naghinyu sigon it extension ro mga raya matapos nga mabiktima it bagyong Ursula nga nag dere deretso hasta ko ati atihan festival.
