KALIBO, Aklan—Nagpaabot it andang pagkontra ro mga grupo it environmentalist sa ginaproposed nga 300-megawatt (MW) hydro power plant sa banwa it Malay it kompanyang San Miguel Corporation (SMC).
Ro nasambitan nga Strategic Power Development Corporation hay nagpahayag nga pamaagi sa nasambitan nga proyekto hay magataas ro renewable energy (RE) capacity sa bilog nga Visayas ag makabulig sa pagkaangkon it paeangitan-an ag pangabuhian para sa lokal nga komunidad.
Apang suno sa Philippine Initiative for Environmental Conservation ukon Philincon ro konstruksiyon it hydro project hay gina-alegar nga sangka pag-eabag sa Indigenous Peoples Rights Act (RA 8371), ag sangka paeag sa kinamatarong ag acces to nature it mga Atis.
Nasayuran dugang nga raya hay nagkueang man sa konsultasyon sa mga pomoeuyo sa lugar partikular sa mga residente it Nabaoy ag sa mga barangay officials.
Dugang pa kara nga ro ginaproponer nga hydro plant hay may mabahoe man nga epketo sa local eco-tourism kamana man sa mga residente ag sa komunidad.
