KALIBO, Aklan — Bangud sa gina kabig nga eye sore eabi eon sa mga turista, target it Sangguniang Bayan it Malay nga ipaidaeum sa regulasyon ro operasyon it mga junk shops sa banwa it Malay ag isla it Boracay.
Suno kay SB member Jupiter Aelred Gallenero, dapat sigon nga bawaeon ro junk shop operations sa isla nga naga baligya ag nagatipon it mga magkaeain-eain nga bagay partikular ro metals, plastic, machine parts, lumang sae-saeon ag iba pang recyclable materials.
Dapat sigon nga maging malimpiyo ro isla bangud sambilog rayang tourist destination.
Gin kumbinyu kara ro municipal zoning office nga hinyuon sa mga naga panag iya it junk shops nga isaylu ro andang negosyo sa mainland Malay bangud ro junk shop hay owa gina pasugtan sa Boracay sa idaeum it Comprehensive Land Use Plan (CLUP).
