Pagataw-an it dugang sa mga panggastos ro mga manugturo sa pangpublikong eskwelahan para sa pagpahaum sa uman nga pagbukas it klase makaron nga adlaw it Lunes, Agosto 22, kapareho eon lang sa pagbakae it andang mga kinahangeanon nga gamit para sa pagturo, internet subscription, iba pang communication expenses, ag maging ro andang annual medical examination expense para sa school year ngara.
Gin-insister man it pilang mga manugturo nga ro nasambit nga benepisyo ngara hay bukon it ayuda it gobyerno apang para gid mat-a sa andang regular benefit.
Samtang, dugang pa it Alliance of Concerned Teachers (ACT) nga bukon sa gihapon it bastante ro nasambit nga kantidad para masabat ro tanan nga teaching-related concerns it mga manugturo para sa dag-on ngara kung siin napilitan pa ro iba kara nga magpangutang pangbakae it andang mga laptop, printer, ag projector nga importante sa andang mga trabaho rason nga padayon man ro andang panawagan nga taasan pa raya it hasta sa Php10,000
