Nagapati si Kamanggagawa Partylist Rep. Eli San Fernando nga may kaangtanan ro pilang mataas nga opisyal it Malakanyang ag mga mabahoe nga negosyo sa pagsuspinde it Pasig City Regional Trial Court (RTC) sa ₱85 minimum wage increase sa Metro Manila.
Punto ni San Fernando, indi makaangkon it kabaskog it buot ro korte para eabagon ro mga probisyon it Labor Code kun bukon raya it suportado it Malakanyang ag mabahoe nga grupo it mga negosyante.
Maka-alarma para kay San Fernando ro makarondaya ka-grabe nga pressure halin sa ibabaw agud nga baeabagan ro sangkiri nga umento sa sweldo para sa ordinaryong trabahador sa National Capital Region (NCR).
Ginpasiguro ni San Fernando nga indi sanda magahipos sa pagpasilabot it hudikatura para ikahikaw ro masyado kaisot nga kasoehayan nga tigatuga it wage increase.
