Ginpabakod it House Committee on Justice ro andang suporta sa ap-at nga mga miyembro nga ginpasakaan it kaso sa Quezon City Prosecutors Office it asawa ni Vice President Sara Duterte nga si Atty. Manases Carpio.
Raya hay ginaeakipan nanday Committee Chairperson ag Batangas Rep. Gerville Luistro, Mamamayang Liberal Rep. Leila de Lima, Akbayan Partylist Representatives Perci Cendaña ag Chel Diokno.
Gin-dihon ni Manila Rep. Joel Chua ro mosyon nga obrahon nga opisyal ro andang bilog nga suporta sa nasambit nga mga mamalidha, nga ginsegundahan ni Deputy Speaker Paolo Ortega ag ginsuportahan it tanan nga mga miyembro kara.
Ginrason ni Chua nga sakop it parliamentary immunity ro mga aksyon ag pagtuman it mga obligasyon base sa Konstitusyon it mga miyembro it komitiba may kaangtanan sa mga reklamo sa impeachment nga ginapangatubang ni VP Duterte.
