KALIBO, Aklan — Nagakabaeaka ro mga negosyante sa isla it Boracay bangud sa manabang compliance rate it mga accomodation establishments sa uman nga pagbukas kara sa mga turista sa Oktubre 26.
Suno sa sangka negosyante nga nagpamalibad nga magpasambit it pangaean nga ano ro andang himuon sa mga magasueod nga turista kon sangkiri eon lang ro mga hotels, resorts ag bisan ro mga restaurants nga magabukas.
Maabo gihapon ro mga negosyanteng nabudlayan nga maka-comply sa bukon it tamang mga requirements.
Sa interview it Bombo Radyo, ginpahayag ni Community Environment and Natural Resources Office (CENRO)-Boracay head Atty. Richard Fabila nga padayong ginaayos makaron it mga establishment owners ro andang permits ag iba pang requirements sa andang command center kapin eon ro Environmental Compliance Certificate (ECC).
Nasayuran nga ginsuspinde ni Environment Secretary Roy Cimatu ro tanan nga mga ECC sa isla agud igapaidaeom sa hugot nga pag-usisa ro mga establisimento kon nagsunod sa tanan nga environmental laws ag regulations.
