KALIBO, Aklan–Batyag eon it mga ordinaryong negosyante ro epekto it pagmahae it presyo it mga nagapangunang baeak-eon sa nasyon.
Suno kay Rowena Gonzales, kakanin vendor sa banwa it Kalibo nga haeos doble eon ro gintaas sa mga presyo it nagapangunang sangkap nga ginagamit nana sa pag-eaha it pang meryenda.
Partikular nga gintumod ni Gonzales ro presyo it mantika nga naga-abot eon sa 450 hasta 460 kada galon, 3rd class nga harina nga halin sa dating P30 hay P45 kada kilo eon makaron ag asukar nga halin sa dating P40 hay P60 kada kilo eon makaron ro presyo.
Sa sueod sigon it siyam nga dag-on nana nga pagbaligya it mga pang meryenda hay makaron pa eamang imaw naka-eksperyensya it masyadong mataas nga presyo it mga sangkap.
Bangud kara, nagpatuman sigon imaw it sangkiri nga pagtaas sa anang mga ginabaligya agud nga maeagas ro kapital ag makaangkon it sangkiri nga kita.
