Kasunod it mataas nga presyo it produktong petrolyo at feeds ukon pagkaon it baboy, ginaeauman nga magataas ro presyo it karne kara sa buean it Nobyembre hasta Disyembre.
Apang suno kay Alice Manlabao it Alliance of United Hog Raisers Association ukon AURA nga nakasanayan eon it mga naga-alaga it baboy sa Aklan nga kada mag-abot ro nasambit nga mga binuean hay nagataas ro presyo bangud sa mataas nga demand tuga it holiday season ag iba pang mga okasyon.
Maskin nga may pilang hog raisers ro nagpundo it pag alaga ko nagtaliwan nga mga buean it hunyo hasta Agosto , apang nagapabilin nga bastante ro supply kara sa probinsiya nga makasarang nga mag supply sa local market ag maskin ro pagpadaea kara sa national capital region ukon NCR.
Sa makaron hay nagahampang sa 115 hasta 120 pesos ro kada kilo it buhi nga baboy samtang 180 hasta 220 kon naka-katay eon.
Ginaeauman nga maga doble ro presyo eabi eon ro live weight bangud sa law of supply and demand .
Nagsangkiri suno kana ro nag alaga makaron ag bangud sa mataas nga demand sa nobyembre hasta disyambre hay siguradong may pagtaas nga matabu.
Nasayuran nga bangud nga nagmahae ro gasolina, nagmahae man ro production cost it mga mangunguma rason nga nagmahae ro presyo it mais nga imaw ro nagapangunang sangkap sa pag-obra it feeds.
Samtang, ro aklan hay nagapabilin nga hilway sa africal swine fever ukon ASF .
