Mga prutas bukon pa it masyadong mabakae

KALIBO, Aklan–Nagapabilin nga maeanghay ro pagbaligya it prutas makaron nga dag-on.

Suno kay Erlinda Centino, fruit vendor sa banwa it Kalibo nga sangkiri ro nagabakae it prutas makaron kumpara ko mga nagtaliwan nga dag-on.

Posible sigon nga nakaapekto kara ro pagtaas it mga baeak-on nga mas pang nagpalisod sa pagpangabuhi it mga pumueoyo.

Dugang pa ro nabatyagan nga krisis sa tyempo it pandemya kung siin amat-amat pa eang nga nagabangon ro kaabuan.

Nasayuran nga tradisyon eon it mga Pinoy ro pagkompleto sa 13 ka mga nagkaeain-eain nga bilog nga prutas sa pagsug-aeaw it bag-ong dag-on sa pagpati nga magatao raya it swerte sa bilog nga pamilya.