KALIBO, Aklan—Mas pang bumuhos ro numero it mga turista sa isla it Boracay sa selebrasyon it Bag-ong Dag-on.
Suno kay Recan Casidsid, Malay Tourism Operations Assistant, umpisa Disyembre 1 hasta 31, 2021 nag-abot sa kapin sa 116,356 ro nailistang tourist arrivals sa isla.
Ko Disyembre 30 hasta 31 suno kana hay nakalista sanda it masobra 12,000 nga turista.
Dugang pa ni Casidsid nga mas pang ginpadali it lokal nga gobyerno it Aklan ro proseso sa pag-isyu it QR code agud nga malikaw sa aberya ro mga turista.
Sa pihak kara, waea-tuo ro mga pulis, soldado ag iba pang law enforcement agencies nga nakabantay sa Caticlan ag Cagban ports kamana man sa isla agud nga mas pang striktuhan ro seguridad makaron nga long holiday para sa kaeuwasan ag kaayusan sa pagbiyahe it mga turista.
Suno kana, nakakalhit eon man ro dugang nga deployment eabi eon sa mga matawong lugar nga naka-duty 24/7 sa sueod it isla kung siin umpisa Disyembre 31 hasta makaron nga adlaw Enero 2 hay kanselado anay ro curfew.
Hugut man nga ginabantayan ro health and safety protocols sa isla kung siin kapin sa P2,500 ro multa sa owa pagsuksok it face mask.
