KALIBO, Aklan — Padayon ro pagbuhos it mga turistang Tsino sa isla it Boracay matapos makaangkon it mga bag-ong flights halin sa mainland China.
Ginkumpirma ni Civil Aviation Authority of the Philippines (CAAP)-Aklan Manager Engr. Eusebio Monserate Jr., halin ko Disyembre 7 hay naghugpa eon sa unang kahigayunan sa Kalibo International Airport ro OK Airways nga may rota sa mga syudad it Nanning ag Changsha.
Nasayuran nga pangaywa ro mga Chinese sa mga turistang Koreano nga nagbakasyon sa Boracay ko nagtaliwan nga dag-on.
Samtang, ginlunsar eon it CAAP-Aklan ro andnag “Oplan Biyaheng Ayos Pasko 2018.”
Ginpahayag ni Monserate nga raya hay bilang pagpahaom sa pagbuhos it mga pasahero ag turista sa paeoparan pilang adlaw antes ro Paskwa ag Bag-ong dag-on kamana man ro dag-unang Kalibo Sto. Niño Ati-Atihan festival sa Enero.
