Nabaton eon it mga regular nga empleyado it lokal nga gobyerno it Aklan ro andang mid-year bunos umpisa ko adlaw it Lunes, Mayo 16.
Suno kay Provincial Treasurer Berdandino Villaruel nga katumbas raya it sang buean nga sweldo it mga regular nga empleyado sa nagkaeain-eain nga departamento it gobyerno.
Ginklaro man kara nga bukon it sakop sa mid-year bunos ro mga contractual ag job order employee.
Apang, sa oras sigon nga ma-regular eon sa andang trabaho ro mga natungdan nga indibidwal hay makabaton man sanda it kaparehong benipisyo.
Nasayuran nga ro kwartang gintaeana para sa nasambit nga bunos hay ginbudget halin sa regular nga Internal Revenue Allotment (IRA) it probinsya.
Sa pihak nga parte, nagpanawagan man si Villaruel sa pilang tax payers nga gampanan ro andang obligasyon eabi eon sa pagbayad it buwis sa tamang tyempo.
Partikular nga gintumod kara ro mga professional nga owa pa nakabayad it andang natungdang nga professional tax ag ro mga may negosyo para sa franchise tax.
Samtang, maayos man sigon ro andang koleksyon pag-abot sa Real Property Tax
