Ginpadumdom it sangka eksperto ro publiko nga maging vigilante eabi eon kung nakikipag-salamuha sa maabu nga tawo.
Raya hay kasunod it pagdeklara it World Health Organization (WHO) it monkeypox outbreak bilang sangka global health emergency.
Ginpahayag ni Dr. Philip Ian Padilla, sangka public health expert nga maabu eon nga kaso ro nailista sa pilang ka mga nasyon rason nga bukon it maeayo nga makasueod raya sa Pilipinas.
Base sa pinakaulihing datus, masobra 16,000 eon ro numero it mga kaso it monkeypox sa 75 ka mga nasyon.
Base sa assessment, nagakalhit eon ro monkeypox sa bilog nga kalibutan rason para ipasaka ro moderate risk sa tanan nga rehiyon mag-euwas sa European region kung siin high risk ro ginpasaka it WHO.
Nasayuran nga mayorya sa tinamaan it monkeypox virus hay mga eaeaki nga nakipaghieawas sa kaparehong eaeaki.
Apang, indi pa sigon matumod kung ham-an raya madasig nga nagakalhit ukon naipasa sa nasambit nga grupo.
