KALIBO, AKLAN — Ginkulong ro sangka eaeaki matapos nga magpamaeag ag magpanakit it mga katapo it kapulisan ag MAP member samtang ginbitbit sa police station .
Nagpakilaea ro suspek nga si Najib Mendoza Mangotora, alyas James ag Black Demon .
Suno kay PO1 Recto nga nauna eon nga nagtuga it kinagamo sa Purok 3 C Laserna St., Kalibo ro suspek matapos nga maka-away si alyas Leopoldo .
Samtang, sa patrol car hay gindukoe sigon ni Najib ro anang kaengkwentru ag kat ginsita ni PO2 Moises hay imaw man ro gindukoe kara, apang padayun nana nga ginpatuman ro maximum tolerance.
Ginpahayag dugang nga mas pa sigon nga nagwala ro suspek pag-abot sa police station rason nga naninahan ro mga pulis nga nag-pacify kana .
Mag-eowas kara, samtang ginaposasan ag ginabutang sa karsel hay nagpamaeag pa imaw sa mga otoridad nga ro anang pamilya hay naghalin sa Marawi City.
