Nagsaka eon sa ap-at ro numero it mga namatay samtang 22 nga iba pa ro naninahan sa natabu nga pagpamaril ko Hunyo 22, 2026 sa San Jose National High School sa Tacloban City.
Suno sa report, daywang menor de edad nga estudyante ro naaresto bilang mga suspek sa insidente.
Na-recover halin sa gin-eontaran it insidente ro masobra sa 40 nga basiwo it bala, kaibahan ro gingamit nga 9mm Glock pistol ag .38 caliber revolver nga parehong nakarehistro sa mga kapamilya it mga menor de edad.
Bilang kaparte it mga tikang agud nga masiguro ro kaeowasan it mga estudyante ag empleyado, nagapabilin nga suspendido ro klase sa San Jose National High School, San Jose Central School, ag Manlurip Elementary School.
Nagtau eon man it insigidang bulig medikal ag psychosocial support ro Department of Education sa mga apektadong estudyante ag manugturo.
Padayun ro maid-id nga imbestigasyon it Tacloban City Police Office ag nagapanawagan sa publiko nga indi magpakhit it bukon it beripikadong impormasyon agud nga indi madugangan ro pagkabaeaka.
Ro insidente hay uman nga nagbukas it diskusyon sa seguridad it mga eskwelahan ag sa ginapatuman nga Juvenile Justice and Welfare Act, samtang nagapabilin nga mataas ro panawagan nga mas pabaskugon ro mga tikang kontra sa pagpasueod it armas sa mga institusyong pang-edukasyon.
