“Guilty” ro sintensya it Sandiganbayan kay Janet Napoles para sa 10 counts it graft ag 10 counts it malversation of public funds through falsification of documents.
Bangud kara, ginpapana-ugan imaw it anti-graft court it hasta 15 anyos nga pagkakulong sa kada kasong graft, ag 17-anyos ag 4 nga buean hasta 20-anyos sa kada kasong malversation.
Angot raya sa maanomalya sigon nga pagpanagayo it P50 milyon it 10 non-government organizations (NGOs), sa paagi it10 local government units (LGUs), halin sa Department of Agrarian Reform (DAR) para sa farm inputs.
Nanataeupangdan it mga LGU nga uwa sanda it rekord it nasambit nga proyekto ag uwa sanda nag-hinyo it pondo para kara.
Mageuwas kay Napoles, ginsintensyahan man nga guilty si dating DAR Undersecretary Jerry Pacturan sa 10 counts it malversation.
Samtang, si Evelyn de Leon hay napamatud-ang guilty sa tig-3 counts it graft ag malversation.
Raya hay dugang nga penalidad sa ginakabig nga “pork barrel scam queen,” nga dati eon nga ginsentensyahan sa nagkaeain-eain nga kaso it anomaliya.
