POLICE Report — Sangka construction worker ro nasapwan nga owa eon it kabuhi matapos sigon nga mahilong ag mahueog sa suba sa Brgy. Ayuti, Lucban, Quezon.
Nakilaea ro biktima sa pangaeang Henry, 38-anyos ag residente it Brgy 7, Lucban, Quezon.
Suno sa report it Lucban Police Station, bandang alas-4:20 it hapon kat makit-an it mga residente ro bangkay kara nga naga-eutaw-eutaw sa suba.
Suno sa asawa it biktima, ko Sabado pa, March 1, nakipag-inuman ro biktima sa baeay it anang amigo sa nasambit man nga lugar ag owa eon naka-uli.
Sa ginpatigayon nga imbestigasyon, owa it indikasyon it foul play nga nakita ro mga awtoridad.
Suno sa Post Mortem Examination it doktor sa rural health it Lucban, nagatuhaw nga bukon it pagkaeumos ro rason it pagkamatay it biktima kundi traumatic brain injury bangud sa sobrang pag-inom it aeak.
