Mahugot nga ginapamalibaran ni House Committee on Appropriations Chairperson Rep. Mikaela Suansing ro alegasyong may pork barrel ukon budget insertions sa 2026 national budget ag sa proposisyong pondo para sa 2027.
Suno kay Suansing, naging transparent ro deliberasyon sa 2026 budget ag ginbulgar sa proseso ro mga institutional amendments.
Para mat-a sa 2027 National Expenditure Program (NEP), ginpaathag nana nga una sa ehekutibo ro pagbilog kara ag uwa pa raya na-usisa it Kongreso kat pormal nga gindihon it Department of Budget and Management ro P7.2-trilyong proposisyong badyet ku Agosto 11.
Samtang, ginkwestyon ni House Justice Committee member Rep. Terry Ridon ro mga alegasyon it budget insertions bagud uwa pa naga-umpisa ro deliberasyon it Kongreso sa 2027 budget.
Ginhangakat man nana si Baguio City Mayor Benjamin Magalong nga pangaeanan ro mga mamalidha nga imbolbado sigon sa insertions, matapos ikonekta it alkalde ro alegasyon sa pilang miyembro itss House prosecution panel sa impeachment trial ni Vice President Sara Duterte.
