KALIBO, Aklan—Nakabaehag eun ro pinal nga pagsinueondan para sa pagpauli it mga Aklanon nga na-stranded sa ibang probinsya.
Suno kay Atty. Sherwin Ibbareta, Provincial Administrator nga nakapaguwa eun it guidelines ro National Task force on covid-19 para mapauli sa andang tagsa ka mga probinsya ro mga pomoeuyong na- stranded bangud sa ginapatuman nga Enhanced community quarantine ag general community quarantine.
Ginpahayag dugang nga kinahangean eamang magkipag-kooperar sa municipal office it lugar kung sa siin na stranded ro mga raya para ma-facilitate it Department of Social Welfare and Development Office (DSWD), Department of Interior and Local Government (DILG) ag Department of Transportation (DOTr).
Ginklaro man kara nga ro maga-provide it service hay ro Local Government Unit (LGU) it sangka lugar kung siin na-stranded ro sangka indibidwal ag pagasueangon eamang it provincial government sa boarder para i-turn over andang LGU.
Ro LGU man sigon ro may kakayahan nga magdesisyon kung magpaidaeum pa sa 14 days home quarantine raya.
Ro maging papel eamang sigon nanda hay ro pagbatun sa mga raya.
Ro gatao man suno pa kana it travel authority hay ro Region apang kung sa guwa it Western Visayas na-stranded hay national eun ro maga-isyu kara.
Antes man pasugtan nga makauli dapat may ipakita nga medical certificate nga raya hay owa nakitaan it sintomas it coronavirus disease ukon covid 19.
