Negosyo it paglapida, masako eon kasunod it nagahilapit nga pista minatay

Amat-amat eon nga nagabaskog ro negosyo it paglapida.

Suno sa lapida maker nga si Erica Rubia, mas maayos eon suno kana ro andang negosyo makaron nga dag-on kon ikumpara ko nagtaliwan nga dag-on sa kasagsagan it pandemya.

May mga nagakontrata sigon kanda nga punenarya ag maeaka eamang ro mga walk-in customer.

Makaron nga nagahilapit ro pyesta minatay hay masako ro andang negosyo bangud nga maabo sigon ro nagabaylo it mga lapida.

Maabo ro pre-order ag mga naga walk-in.

Nakadepende sa size ro presyo it kada lapida nga ro pinakabarato hay P500 pesos.

Ro lapida it mga panchon hay human sa marble, granite tiles ukon granite slabs ag machine eon sigon ro naga-ukit makaron it mga pangaean.