KALIBO, Aklan—Ginapahauman eon it National Irrigation Administration ukon NIA-Aklan-Capiz ro devolution ukon ro pagturn-over nanda it operasyon it tanan nga communal irrigation system sa Local Government Units sa 2022.
Suno kay Engr. Juliet Gallardo, Engineering and Operations Section Head it NIA-Aklan-Capiz nga sa idaeum it Mandanas Ruling ag Garcia Law, ro mga LGUs eon ro magadumaea, maga-mintina, maga-rehabilitate ag maga-ayos it nasambit nga mga communal irrigation system.
Ro Aklan hay may kabilugan nga 60 nga CIS.
Gindugang pa ni Engr. Gallardo nga ro andang preparasyon hay ginaeakipan it tatlong phases.
Sa masunod nga dag-on suno kana maga-umpisa ro unang phase ukon transition phase , kun sa siin ro tanan nga operation system hay igatau eon sa LGUs halin sa 1st hasta 4th class municipality samtang ro ulihing phase hay matabu sa 2024 nga pagaeakipan it 5th class municipality kapareho it Tangalan, Lezo ag Buruanga.
Magiging kabulig sigon it LGU ro mga irrigators association bilang recipient ukon beneficiaries it communal irrgatin system.
Gindugang pa ni Engr. Gallardo nga halin sa feasibility study it proyekto hasta sa operasyon ag maintenance it CIS hay igatau eon sa LGUs.
