KALIBO, Aklan—Uman nga nagpadumdum ro Highway Patrol Group ukon HPG-Aklan angot sa hugut nga pagpatuman it polisiya sa pagsuksok it face shield ag face mask sa mga pampublikong transportasyon makaron nga may ginapatuman pa nga modifield general community quarantine sa probinsiya it aklan.
Suno kay P/Capt. Nathaniel Florendo, hepe it HPG-Aklan nga mag-eowas sa driver nga magapanabat sa idaeum it reckless driving, pagapinahan man ro mga madakpan nga pasahero nga owa nagasunod sa face shield wearing policy.
Igaturn-over sigon nanda ro pasahero sa auxiliary police ukon natungdan nga pulisya agud nga ma-isyuhan it citation ticket bangud sa pag-eabag sa natungdan nga municipal ordinance.
Agud nga ma-remind suno kana ro mga pasahero, dapat nga magbutang it karatola sa saeakyan nga no faceshield, no ride policy.
Nag apela man imaw sa publiko nga magsunod sa ginapatuman nga health protocols bilang proteksyon kontra sa coronavirus disease (COVID-19).
