Ginpaabot ni punong barangay Neil Candelario it Brgy. Poblacion Kalibo nga nagabulig ro andang konseho sa “No segregation, no collection policy” it LGU Kalibo para sa maayos nga pagkolekta it mga basura.
Aminado imaw nga may mga kakueangan pa sigon sanda ag may mga problema pa sa implementasyon.
Naga-adto sigon sanday Punong Barangay Candelario kaibahan ro Solid Waste Management Services Office sa pagpanguna ni Adorada Reynaldo sa mga purok para nga ipaabot ro nasambit nga polisiya ag impormasyon.
Paathag nana nga ro tanan nga mga pagbag-o hay may kalisdanan gid sa umpisa.
Dugang pa ni Kap Neil nga ro Poblacion hay in-charge sa pagkolekta it nabubulok ag ruyon hay kada Lunes, Miyerkules ag Biyernes ag ro ibang adlaw hay mga recyclable nga basura ag LGU Kalibo ro nakatuka nga magkolekta, ag kun Dominggo man hay kat mga toxic ag residual waste.
Matandaan nga nag-umpisa ro “No segregation, no collection policy” it Kalibo ku Oktubre 30, 2023.
Samtang, madinag-eon man suno kana ro ginpatigayon nga mass oath taking it mga bag-ong ilihir nga Barangay ag Sangguniang Kabataan Officials 2023 kung siin magapungko sanda sa Disyembre 2.
Prayoridad sa gihapon ni Kap Neil ro social services, health assistance, solid waste management ag peace and order.
