May ap-at nga klase it love scam nga nagapang- biktima pinaagi sa social media.
Suno kay Atty. Deo Virgil Tan, Legal Counsel it National Telecommunications Commision (NTC) Regional Office 6, ro nasambit nga mga love scam hay natigayun nanda nga ma-identify pinaagi sa mga nabaton nga reklamo it andang taeatapan.
Sambilog sa mga love scam ro Sad Boy or Sad Girl Love Scam, kun sa siin una nga magapakilaea sa face book ro scammer nga magapa-eu-oy-eu-oy nga may natabo nga trahedya sa andang kabuhi, gin-aywan ukon may sakit para mabo-oe ro baeatyagaon it biktima hasta nga pangayuan eon nanda it kwarta.
Ikaywa hay ro investor type it love scam nga ginabo-oe ro pagsalig it mga biktima ag gina-invite nga mag–invest sa mga investment schemes.
Ika- tatlo hay ro rampant nga seducer type it love scam nga gina-loko ro biktima pinaagi sa pagpangasawa ag pangayuan it mga compromising photos nga mahimo nanda magamit sa pagblack mail sa biktima ag pangayuan it kwarta.
Ika-ap-at ro slow burning love scam nga ginapaagi sa pagpangasawa gamit ro pasensiya nga nagaeawig it binuean ukon dinag-on nga magapati nga raya hay sangka matuod nga relasyon apang maga-abot sa gihapon sa pagpangayo it kwarta.
Ginpanugyan ni Tan nga bag-o magpakig-amigo sa mga naga- friend request sa facebook ag bukon nimo it kilaea mas mayad nga usisaon anay ro matuod nga personalidad it tawo sa likod it gwapo ukon gwapa nga cover photo, para malikawan nga mabiktima it love scam.
