Umabot eon sa 65 ro numero it mga namatay sa magnitude 7.8 nga linog nga tumama sa Mindanao ku Hunyo 8, suno sa National Disaster Risk Reduction and Management Council (NDRRMC).
Sa pinakaulihing report, tumaas man sa 176,186 pamilya ukon 736,386 indibidwal ro apektado it kalamidad.
Masobra 3,000 pamilya ro nagapabilin sa evacuation centers samtang libo-libo pa ro temporaryong nakiki-istar sa guwa it mga evacuation site. Nalista man ro 1,447 ninahan ag 36 missing, samtang padayon pa ro beripikasyon sa datos.
Padayon man nga naeeksperyensyahan ro problema sa serbisyo, kaibahan ro power interruption sa 39 syudad ag banwa ag kawad-an it suplay it tubi sa 16 nga lokalidad.
Bangud sa eawig it kahalitan, ginpaidaeom sa state of calamity ro 14 nga syudad ag munisipalidad.\Padayon man ro relief ag rescue operations it gobyero, kun siin umabot eon sa masobra P137 milyon ro ha-panao nga bulig sa mga apektadong residente.
